هاجر ناصر الشملان

وش اقول وش اخلي اي سلم ثاني باخذه عندها ياناس اللي ماينزل عندها مجنون عسى ربي يفتحها في وجهها الدكتوره تعامل خيال شرح خيال والله اني اتحمس للكلاس كله بسبب شرحها والدرجات ماادري وش اقول عنها احس ماراح اوفي وترا تحب اللي بين السطور لكن سهل جدًا عسى ربي يرزقها ويوفق عيالها اخذت عندها أ+

عسل عسل مره ممتازه وممتع كلاسها احتباراتها دقيقه لازم تركزين،تعطي بونس، تحب مره الي يشاركون واذا حفظتك مره بتتعاون معاك، عطتنا تكليف لا يكاد ان يذكر ،مرنه مره

لا تحتارين أبدا من افضل الخيارات اللي ممكن تطلع لك محترمه وتساعدك ومتجاوبه معنا من الأفضل حرفيا وياليت اقدر انزل معها مره ثانيه

الله يحفظها ويخليها

حنونه تحسينها قريبه للقلب من دون ماتسوي شيء

اخر سلم لي نزلته عندها الصراحة الدكتورة طيبة مرة وحبيبة ، التكاليف لا تكاد تذكر طلبت مننا واجب واحد سطرين عن موقع ، مافيه بحوث ولا عرض ولا تقارير .. الدكتورة ماعطتنا حضوري الا كم كلاس ينعد عاليد الوحدة الباقي اونلاين، شرحها بذمة وضمير وتطوول بالفقرة ف اللي تحب الشخص الي يختصر مارح تنبسطين معها لان فعلا الوحدة تاخذ وقت فيها وتفتح مجال المشاركات والسوالف.. الاختبار سهل ومناسب . الفاينل من القسم مو منها بس كان ممتاز . التحضير والتاخير مرن عندها .. الله يسعدها

بالمجمل خذي عندها صراحه بترتاحين والدرجات اشوفها حليييله اتوقع غالبا اذا مو كلنا ماخذين كامل

أفضل دكتورة بالجامعة للمرة الثانيه أنزل عندها ولو باقي لي سلمات نزلت مرة ثالثه ورابعه عندها، تعطي بونس بالميد واختبارها تجيب مقالي بس مقالي سهل وسخيييف جداً والتكليف حقها تسوينه بخمس دقايق، عيب هالمادة بس كان الفاينل حقها دخلته التوتل حقي ٦٠ وطلعت منه ب أ لكن الحمدلله

امتع كلاس كله ضحك وسوالف اعطت الماده حقها الله يسعدها لكن الميد حقها شوي يبغى له تركيز خذوا عندها و انتم مغمضين مره متعاونة بوقت الكلاس واذا حتى ما تبون التكاليف مافي اسهل منها و كلنا خذينا كامل وتعطي بونس

الي تطلع له لايشيل هم لانها مره عسل وودي انزل عندها ثانيه لو اقدر