دكتور سمعته سيئة جدًا بسبب اختباراته الي ممكن الاغلب يشوفها صعبة لكنه يعوض عن الاختبار بمحاضراته الاسطورية واسلوبه الكويس والبونس على الاختبارات
من الاخر هو مو من افضل الدكاترة بقسم الاقتصاد لكن مو الاسوأ لان ٩٠٪ من دكاترة القسم سيئين جدًا
لذلك اذا طلع لك لاتزعل ترا فيه اسوأ منه
ونعم بالقصمان وجميع المناطق لكن الدكتور من سدير والسديراوي يجرح ويداوي 😂 بإختصار وبدون كلام زايد 🐐 الاختبار موحد وولا بتحصل احد يشرح اطلق منه لكن الشهريات صعييييبه وتطلع منصدم من الصعوبة لكن يعطيك بونس
خذيت عنده جزئي الدكتور بشكل عام حبيب ومحترم محاضرته بالنسبة لي مملة وثقيلة شرحه حليل الصدق مع اني ماكنت اعتمد عليه يدفففففففففف يدف بشكل مرعب بالميد الثاني مزودني حول ال10 درجات اختباراته صعبة مره بالنسبة لي ماني منزل عنده ابد والنهائي يبرد الخاطر بما انه صار موحد
دكتور مهند والله من أفضل الدكاترة اللي درسوني من ناحية شرح، يفهمك تمامًا، ميداته تبي مذاكرة وشدة حيل مهي صعبة لكن سلبيتها ٧ خيارات ومتشابهه، شديد في التحضير ٩ يحضر وإذا راحت عليك مستحيل يحضرك، يحرم، النقطة الأجمل عنده اللي مايتجاوز عنده غياب/ين بياخذ بونس بالهبل نهاية الترم عادي يوصل قريد/ين، الآدمي فنان كانك بتشتغل معه وتجتهد غيرها لا تنزل إذا أنت راعي بزوطة وغيابات.
هوايل اسمعها عنه وبالاخير اطلق دكتور يا شيخ عمي وعم عيالي 🐏🐏🐏 البونص يمطر مطر جزاه الله خير وكثر الله من أمثاله ولا عزاء للهوالين تبي شرح؟ تبي سوالف؟ تبي سعه صدر؟ علمني وتلقاه عند ابو سلماان
ما عرفت قدره الا يوم اختبرت الاختبار الموحد.. عرفت انه جبار واسئلته سهله عند الموحد.كنت اعتقد ان اختباراته صعبه عشانها 7 خيارات. الموحد 4 خيارات وشقنا شق رايح جاي. مسألة عليها 8 درجات بس! ما اقول الا يالسلمان ان اختبارك النهائي ارحم من الموحد. الله يستر من درجات الاختبار الموحد
قبل شوي طالع من اختبار الشهري الثاني وانشقيت شق والي يعالج جرحي هو انه يعطي بونصات ومحاضرته توسع الصدر ومن سابع المستحيلات تمل منها كانك جالس مع خويك لا قام يسولف ما تدري الا المحاضرة مخلصه وانت مستمتع لكن عذروبه انه يجرح بالاختبارات ويداوي بالبونصات وانتبه التحضير عنده ما يرحم لكن بشكل عام ممتاز اذا انت مهتم بالمادة اذا ماخذ عنده تبي النجاح بدون مذاكرة هج لانك مع أسطورة الـ F
بدون فلسفة كل شي رجال ما عدا اختباراته صعبه ويهونها انه يشوتك بالبونصات. تغيب وتعدي الحرمان تنحرم. واضح وتعامه بوضوح يحطك فوق راسه. ما أخذ عنده بسبب صعوبة الاختبارات.
اقسم بالله اطلق دكتور بالجامعة مخلينا نختار اوقات الاختبارات بكيفنا وفيه بونص يكب ويسبحك فيه ومحترم ويخليك تطلع من القاعة وتجي لكنه شديد بالتحضير اختبتره خيارات صح انه سبعة خيارات لكن يبقى مافيه احد يسوي زيه ذاكر وتحصل درجة درجتي A اما ما تذاكر ثم تتبكبك صعبه بدون فلسفه عند الدكتور ذاخر تاخذ حقك وزود تبزوط وتغيب بتلقم
اخذت عنده مادتين 101 و 102 وكلهم ا+.. بنصحك زي ما انصح خويي تبي درجة ذاكر اول باول الاختبارات ما تطلع من السلايدات نصا لكن بعضنا بعضنا ما يذاكر الا قبلها بكم يوم ثم يفلم بالاختبار وهالطريقة ما تمشي لان الخيارات تلحس ودقيقة بالنسبة التكاليف مافيه الحضور شديد مرة وبالتوفيق للجميع
شف الرجال تغّير ، اذا انت منزل عنده على السمعة القديمه كنسل ، الرجال افضل واحد يشرح اقتصاد من الاخير ، التحضير لازم تجي بدري ، يقول انه يحرم على الغياب وركز على هالشيء يعني انتبه للحضور ، عنده بونص عالمشاركة ، لكن زي م قلت هالترم تغيّر وفقعنا باختباراته ، ميدين ٢٥ وكلهم ٧ خيارات !!! اصعب شيء شفته بحياتي الاجوبه تحتار من كثرها ، اذا انت تذاكر من بدري بتفلح عنده ، غيرها اقول لك دور اي دكتور ثاني ، والفاينل نفس السالفة ٤٠ سؤال ٧ خيارات مجموع ٢٧٠ وتختار منهم ٤٠ بس ، ظلمنا من الناحية هذي الله يسامحه
بإختصار اذا انت تبي تتعلم اقتصاد؟ خش المادة معه.. الدكتور هذا رههههههههههههيب وقصصه الي يشطح فيها تخلي المحاضرة قصيرة.. لاكن عيبه انه يحضر وشديد .. اذا تبي تغيب غيرررره لانك ما راح تعدي عنده بيجيك حرمان.. يعطي بونص للي يشاركون والترم الماضي خذت عنده 4 درجات بونص وكانت مهمة اني اخذ قريد كامل! بدون كلام زااايد اذا انت ما راح تذاكر لا تاخذ عنده لانك بترسب اسئلته دقيقه لكنها سهله على الي مذاكر لانه ما يطلع من السلايد وكلامه.
