اختصرها عليك اذا شفت اسمه سجل عنده بدون ماتفكر لأن مافيه افضل منه. بس لاتدور الدفدفه الزايده وتنام طول الترم وتتوقع تاخذ A+ ، بس فيه بونص و الباقي عليك
افضل دكتور في الجامعه موب الكليه بس اقسم بالله محفز و متفاهم و يقدر الطلاب و يحب يمزح مع الطلاب يعني بالاختصار معه مستحيل تحس بضغط و توتر في التواصل معه و عن الحضور تراه بس عنده محاضره وحده في الاسبوع و الواجبات صدق كثيره بس في النهايه عليها بونص قوي + نصيحتي لكم ركز مع كل شي يقوله لان بيجيب زيه في الاختبار زي الويك و السترونق يس و نو + الي في كل نهايه شابتر الخيارات تراها تجي ميد و فاينل و بالتوفيق للجميع و الدكتور يستاهل تقيمه 100من100
الدكتور جدا جدا جدا كريم بالدرجات يعطيك اكثر من حقك بكثير ورحب النفس يكره اي ايحاء يوحي بعدم الاحترام سواء بالاسلوب او بالكلام او بالتصرفات قد يكون حساس في بعض المواضع لكن يتجاوزها وينساها بنفس الدقيقه
صح لاستراتيجيات الوحدات. حقت Strong Yes - Strong No و طقتهم من الأمثلة. المشروع كان عبارة عن مقطع فيديو فاليويتوب ٥ دقايق و زياده تتكلم في اللي تبي لكن تكون مرتب و واضح. يتفهم الطالب. و واجباته معتدله العدد. و يخلي الطالب يشارك معه بالمحاضرات. و يخلي الطالب يرسل Speaking الميد و النهائي في الواتس بالخاص. الله يسعده.
الله يوفقه يا رب الدكتور جدااا محترم واخلاق وزياده على كذا واجباته جدا مفيده يخليكم ترسلون فويس نوت وانتم تتكلمون ومدته دقيقتين ساعدني بمهارة السبيكنق جدا وانصحكم تنزلون عنده اختباراته سهله وتكاليفه واجد لكن بتفيدكم
الدكتور متعاون مع الطلاب ومتفهم جداً ومجتهد بالشرح وحريص جداً على مصلحة الطلاب .. وباله طويل وعسل عسل الى ابععد حد .ومايقصر معك بالدرجات .. عسى الله يوفقه وييسر امره .. اتمنى لو يكونون البعض مثل عقليته وتفهمه ..
شكرًا لتقييمك 🤍
هل تحب مشاركة رابط الدكتور مع زملائك في الشعبة؟ يساعدنا كثيرًا في تحسين دقة التقييم.