عبدالله أحمد السماعيل

الصدق الدكتور يعطيك حقك ويزيدك شوي يبقالك على القريد درجتين او ٣ يعطيك لاكن عن نفسي ماكنت احتاج زيادته لو علمنى نجيب قلم رصاص بالميد اربع اساله ماقدرت اعدلها بالتضليل إذا ضللت غلط خلاص مايمديك تعدل والحضور افضل شي فيه إذا ماتبي قروشه فترمك وولا لقيت افضل دكاتره نزل عنده

يحببك في المادة

اذا ركزت بتحل زين في الاختبار

يعطيك حقك بإختصار وماهو مثله قبل يدفك درجة ولادرجتين على القريد متغير من الترم الي فات ومن ناحية الاختبارات متوسطة تميل للصعوبة خيار جيد للي مايبي القروشة في الترم

الدكتور هذا رهيب ومحترم جدًا ندمت اني ماكنت انزل عنده اول حسافه بس نزلت مادة وحدة الله يوفقه ويسعده

حقيقة دكتور يعطيك حقك يعني لاتتوقع انه يزيدك لكن من ناحية كل شئ غير الاختبارات الافضل وتعامله ممتاز ومحترم يعني تخيل انه يجي يكلمك على الخاص وينبهك على الدرجات

الجيل الجديد طايح في كلمة (تطبيل) لا تهتم لهم ونزل عنده وانت مرتاح

توني محول قانون ، واقول لاي شخص محتار ينزل عند السماعيل ، منهجه سلايدات ماتتعدى ٩ سلايدات ممكن على حسب المادة ، الاختبارات من السلايدات فقط ! التكليف واجب وسؤال يخص الماده بالبلاك بورد وحله يكون عن طريق السلايدات ، يعطي بونص بكل اختبار يعني يعطيك سؤال اضافي عن رايك وعاد انت اكتب اللي تعرفه وهو مابيقصر ، خلاصة الموضوع عشان ما اطول عليكم الدكتور اسطوره وافضل دكتور بالقسم بالنسبه لي وانصح اي شخص يبي يرفع معدله ينزل عند السماعيل

الخلاصه دكتور يحب الي يشارك معه و مرن في التعامل و سهل في التواصل و غير كذا اخلاقه عسل مع الطلاب لكن الاختبار الاول الله يسامحه كان صعب الصح و الخطا كان فيه تريكات ثم جانا في الفاينل و حطه كله مقالي عشان السوء الي صار في الميد الاول و عنده بونص عباره عن دوره تاخذها معه بس شغل انه يدفك كم قريد مافيه

صح اختباراته صعبه بس انها مقدوره عليها وبتكتشف انك ماخذ A+

رهيب بشكل صيحيح يشق بالاختبارات بس هو رجال ورهيب ويحب المجتهدين 🫡🫡🫡

افضل دكتور بلا منازع لاتتردد اذا بتنزل عنده الله يجزاه عني الف خير

افضل دكتور بتخصص الاعلام بالنسبه لي ، اختبارات سهله وواضحه وسلايدات قليله ، مايدقق بالحضور والتواصل معه بالتلقرام ويرد بسرعه ولا هو شايف نفسه مثل بعض الدكاتره ويتعاون مع الطلاب

درست عنده ثلاث مواد كلها كان اسطوري

الي خايف من مادة نصوص انجليزية اعلاميه ينزلها عنده لو ماتعرف شي بتجيب A+بالراحه

افضل دكتور بلا منازع وياليت نزلت عنده من زمان اسلوب وتعامل مع الطلاب قمة في الاخلاق ويحرجك بأسلوبه تبي درجات نزل عنده 👌

دكتور ممتاز واختباراته سهله وعنده بونص

على كثرة الدكاترة الاساطير في الإعلام لكن عبدالله السماعيل هو الأفضل سلايدات بتنصدم من قلتها وخالية من الحشو الزايد والاختبارات مقالية لكن سهلة وواضحة وفوقها يرحب بالاسئلة ويساعدك بالاختبار لين يصير باقي شوي يعلمك الاجابة وعنده بونص لين بكرة هذا غير شرحه يعرف يشرح لك صح ومن غير ما تمل وما ياخذ المحاضرة كاملة ويعتذر عن محاضرات واجد لكن لما تحضر تستفيد جداً

اذا حصل لك لا تفوت انك تنزل عنده بس اهم شيء ذاكر زين لان الاختبارات كلها مقالي

من اعظم الدكاتره والله سلايدات خفيف ويعطيك بونص ولا يخصم على الغياب واسلوبه وتعامله عسل ووجهه فيه قبول

صراحه ممتاز دكتور خلوق لأبعد درجه وحبيب مره بس لازم تزكز معه اختباراته مهب صعبه حليوه تكلمه بالتلغرام يرد عليك ولا يسفهك مثل اكثر الدكاتره ككل ممتاز جدا وانصح فيه بس لازم تشد حيلك

درست معه في مادتين ما نقصت عن A

ما ياخذ المحاضرة كاملة، يلغي بعض المحاضرات، قمة في الاخلاق، البونص عنده يغرف لك من بحر ، السلايدات جدا قليلة وسهلة وشرحه ممتع وياخذ ويعطي مع الطلاب وش تبي اكثر من كذا لا احد يفوت الدكتور 😍

يجبرك تحترمه 💚

اقسم بالله دكتور اسطورره ان بغيت شرح فهو يشرح زين وما ياخذ المحاضره كامله ، الاسلوب عسل لابعد الحدود ويحرجك ، والتاخير مايحاسب عليه كثير ، والاختبارات سهله جدا كلها من السلايدات بس الي عليك تركز بالمحاضره لان السلايد فيه روؤس اقلام ولازم تكتب معه عشان اذا جاء الميد تبدا تعبي السلايد كلام لان السلايد يعطي اسم التعريف لكن التعريف يكون قايله الدكتور بالمحاضره . على العموم دكتور رجال وبس ❤️❤️.

الدكتور رهيييييب جبت B+ بس هذا حقي صراحه لاني بداية الترم كان عندي ضروف وماقدرت اشد حيلي بس يراعي جداا واساسا اتوقع دفني وهذي ثاني مره انزل عنده ولو اشوف ماده ثانيه عنده نزلت تبي شرح؟ يشرح بشكل واضح تبي اخلاق؟ يحرررجك باخلاقه تبي اختبارات؟ واضحه ومن السلايدات الي يعطيك ياها

والله دكتور رهيييب بس شد حيلك معه شوي وبتطلع ب A+ بالراحه

الدكتور كويس النهائي اغلبه جاب لنا مقالي وعطانا بونص رهيب الله يعافيه ما قصر

ما بتندم لو نزلت عنده، اهم شيء أصمل معه وشد حييييييييييييييييييييلك وأبشر بالخير نهاية الفصل الدراسي.

يعلم الله استفدت منه أشياء كثير وعلمني كيف أذاكر زين وحفزني على الجد والإجتهاد

كبر في عيني اكثر وقت الاختبار النهائي كان مايخلي احد يسلم ورقته وفيه سؤال فاضي لدرجه انه يوقف عن الباب ويمنعك تطلع لين تكتب اي شي بالاجابة ويساعد بشكل ماتتخيله اذا كنت طالب مجتهد معه ومتميز ، خيار موفق نزلو عنده نصيحه

صار أسطورة، ٧٠٪؜ من الطلاب أ+ بمختلف مستوياتهم الدراسية.

يمكن دف ٤ قريدات بالنهائي دون مبالغة.

شيخخخخخخخخخخ بالنهائي دفف بالكريييييك

صحيح إني اخذت قريد تعبان نسبيًا ولكن يعلم الله الدكتور ما يعدكم غير مثل إخوانه 🦋🦋.

بالتعامل والتحضير ممتاز جدا