هالة سمان

وش اقول ووش اخلي طبعاً هذي ثاني ماده اخذها معها احد افضل الدكتورات في الحياة كلها هذا اذا ما كانت الافضل عسل سكر حلويات على قلبي🍬🍭🍯 اسلوبها وشرحها وتكاليفها وتعاونها وتفهمها حنونه واخت وتشجع وكل شي كل شيي حلو بالكون، خليت امي تدعي لها معي من كثر ما اني حبيتها، الله يجعل حياتها يسره مليئة بالخير والبركة أضعاف ما نلقاه منها✨🤍🤍🤍

الترم هذا كان ضغط ومتعب جدا بالنسبه لي ومنزله مواد كثير و كوني نزلت عندها ساعدني كثير لانها يسرة ومتعاونة معانا من ناحية التحضير والتكاليف والاختبارات وهالشيء مو بسيط ابدا وعنى لي كثيرر وخفف علي مره مع ذلك ما قلل من المنفعة الي طلعت فيها من المادة بسبب ملاحظاتها بالترجمة وبسبب المشروع الي كان عبارة عن تطبيق عملي بسيط لمشاريع الترجمة بكل مراحلها وادوارها.

عسل عسل عسللل الله يسعدها دنيا واخره يارب

الله يوفقها ويسعدها والله انها تخلي الواحد يستحي من نفسه لو مايجتهد معها هذي مو مجرد ماده وعدت هذي تجربه جامعيه لحالها بمجرد ماتسمعين نصايحها وشرحها ماتنسينه من خفته وكل شيء فاهمته وتنقلك اياه بطريقه خياليه ما اوفيها حقها والله

الدكتورررررررة عسل في كل شي❤️❤️

من أروع الدكاترة اللي درست معهم شرحها دايم واضح وتحب توصل المعلومة بكل بساطة تتعامل معنا بكل احترام وتفهم وتهتم بأسئلتنا وتجاوب عليها بكل صدر رحب و أسلوبها يخليك تحبين المحاضرة وتستمتعين فيها استفدت جدا منها حتى التكاليف كانت مفيدة وتعلمت كيف أكون مترجمة تمنيت كل موادي تكون معها الله يوفقها ويعطيها العافيه

الله يوفقها ويسعدها وييسر امورها ويرحم والديها والله العظيم افضل دكتورة درست عندها شرح مثالي واسلوب وخفيفه ظل الله يسعدها كان كلاسها ممتع وتحببك بالمادة وتشرح شرح يعلق براسك لين ليله الاختبار الله يسعدها دنيا وآخره تطمنوا وانتم منزلين معها تمامًا

لا تفكرون ابداً تطمنوا و انتم مغمضين انكم بأيدي امينة معها 🌸

ثلاث مرات على التوالي وكل درجاتي أ+ معاها اعظم دكتوره والله الافضل بالكلية عسل بمعنى الكلمة مريحه وحليله الكلاس بكبره يوسع الصدر واختباراتها زي تعليماتها والله انها اسطورة الكلية يارب تسعدهااااا وتكتب كل شيء بموازين حسناتها والله تراعيكم بكل شيء الافضللل بلا منازعع🤍🤍🤍

عشقي الأول والأخير ليتها تعطيني كل المواد يا لبى قلبها خذت معها ثلاث مواد وولا مرة قد نقصت عن +A معها، الله يسعدها ويوفقها وين ما كانت ويرحم والدينها يا رب، خذوا معها وانتم مغمضين انا كنت اشقلب جدولي كله بس عشان اخذ معها. افضل دكتورة مرت علي بحياتي. 💕

اخذت معاها ثلاث مواد الطف وافضل دكتورة، اطلع وانا مستفيدة منها بدون ما اتوتر من الدرجات

أقيمها تقييم ثاني بما اني اخذ مادتين معاها لأن كلمة الحق تنقال والدكتورة هذي تستحق بجدارة، أخذت التحرير والتنقيح وهذي آخر مادة انهيتها يعني ختامها مسك، وكنت متحمسه أدرس المادة بشكل ما تتخيلونه وبما اني اخذتها مع مس هاله استمتعت جدًا لدرجة اني قررت أنمي مهارة التحرير والتنقيح وأتدرب باستمرار وادخل دورات ونوادي، شكرًا جزيلًا دكتورتي العزيزة الله يجعل كل معلومة قدمتيها لنا أو بتقدمينها لناس بعدنا بميزان حسناتك وتشوفين خيرها بحياتك 🌟

هذي كنز للجامعه الله يبارك لهاا ، مستحيل ننسى فضلها علينا و كيف هي كانت مثل الام والاخت لنا قبل لا تجون دكتورتنا 🤍 حبت التدريس حببتنا بالدراسه وهذا اللي اتمنى من كل الدكاتره والمعلمات يحطونه بعين الاعتبار 🤍

خذي عندها وانتي مغمضة

افصل دكتوره بالتاريخ الله يسعدها يارب، مساكين الي ماجربوا ياخذون معاها قبل كذا حرفيا الافضل صارلي ثلاث اترام اخرب جدولي وماعندي اوف بس عشان اخذ معها

أخذت معاها مادة الترجمة العلمية والتقنية والمادة سهله مره وممتعه بفضل ربي ثم جهود مس هاله، انا في آخر مستوى لي واللي لاحظته اني تحسنت جدًا في الترجمة وقدرت أقدم أفضل ما عندي وشفت فرق من اول شهر بالرغم من اني اخذت مواد ترجمه سابقًا وواجهت تحديات فيها وجبت درجات كويسه ولكن وش الفايده اذا ما طلعت بمستوى افضل بحيث اني اقدر اقول عن نفسي مترجمه؟ اول ما تدخل الكلاس امسك القلم واستعد اكتب الملاحظات اللي تقولها لأنها تعطينا اياها على طبق من ذهب الله يسعدها وين ما كانت ويجمعها بوالديها واخيها في جناته 🌟

مستحيل الكلام يوفيها حقها ياناس احسن دكتوره بالعالم مستحيل انزل عندها واطلع مو راضيه عن درجاتي كل شي عندها مهما كانت صعوبته تسهله لك ياناس هاله وبس شرح درجات اخلاق كل شي كل شي اي شي احصله عندها بدون تفكير انزله ومرات اخربط بجدولي بس عشان انزل عندها انصصصصصح

الله يسعدها ويوفقها احسن دكتوره درست معها في الجامعه واختباراتها سهله وتراجع معنا وتجاوب على اسألتنا وشرحها خفيف وينفهم عسللللل وبس اي ماده تدرسها نزلوها بدون تفكير

مرنه بشكل كا تتوقعونه وتساعد بشكل كبير واحب اللي يشاركون وروحها تفتح النفس وتضحك مره مره لطيفه