الدكتور جدًا حبيب وفيه قبول ماشاءالله وسهل التواصل، بالنسبة للشرح ماكان يناسبني ولا افهمه لكن فيه طلاب معجبهم، التحضير مررره يسير ومايحرم اذا مافليتها مرره، التصحيح مشكلته نموذجي بحت والدف درجة درجتين بالكثير ممكن ثلاث بس للقريد، الدكتور ارى انه الافضل ممكن في ١١١ لكن في ٢٠٣ ليس افضل خيار لكن ممتاز اذا نزلك لا تخاف….

افضل دكتور بقسم الرياضيات

يسهل لك المادة

يتفهم التأخير

مافيه كلمه توصفه نزل ولا تخاف دامه المنسق اختباراته واضحه وعسل الله يسعده

يده خفيفه بالتصحيح ومايقصر

ماطلعت عندي درجته للحين لكني مبسوط بكيف هو مسهل لنا الاختبارات

صراحة الدكتور محترم لابعد الحدود وميزته صراحة التحضير بدون مبالغه لو تجي باخر دقيقة حضرك ولو تحتاج تشمي مايقولك شي اما بخصوص التصحيح مرة تكون يده خفيفه ويمشي الاخطاء ومرة لا ويخصم وانا بخصوص الدف مادفني من الي انا شفته

الله يرزقه الجنة مع من يحب والمسلمين اجمعين, دكتور عسل بشوش واسلوبه في محاضراته يخفف عليك هم المادة و شرحه جميييل اهم شي تتابع معاه وتحضر قبل كل درس وتراجع

درست عنده ريض ١١١ …. بالتحضير عسل مره لدرجه اني ٨٠٪؜ من المحاضرات اجي اخر ٥ دقايق واحضر وامشي …. تصحيحه ممتاز مقارنه بغيره …. يدفك لو تروح له يمكن قريد … عيبه الوحيد اني جيته قبل الفاينل باسبوع وقالي ان الاختبار سهل ونفس الترم الي قبلكم لكن طلع صعب جدا الحقيقه … وهو المنسق يعني هو الي يكتب الاساله …. عالعموم هو افضل دكتور تنزل عنده هذي الماده من دون نقااااااش

مرادف كلمة اسطورة هي احمد جلو 👌🏻

جلو ونقطة آخر السطر .

دكتور ممتاز وحبيب واشوفه ما يقصر بالتصحيح ومتساهل بالحضور وشرحه جيد بس مالنا غناة عن ابو ندا

خيار ممتاز جدًا ب ٢٠٤

الدكتور كان شديد بالميد الاول والثاني لكن بالفاينل دفنا الله يجزاه خير، مايحرم احد وشرحه عادي، الله يسعده ويوفقه يارب ماقصر معنا

دفني الله يسعده و تراه مرن بالحضور كان عادي تتاخر عنده لكن نهايه المحاضره ياخذ التحضير مع ذلك ما اتوقع حرم احد حتى لو غايب كثير

مرن في الحضور و لانصراف

الله يسعده و يوفقه 💚

الأفضل في الجامة 💚

يعطيك كويزات سهله وتصحيحه بطل مره افضل من دكاتره ثانين بس يبيلك تشد حيلك شوي انا ما اعطيت الماده حقها مره وجبت قريد حلو

رهيب بتحضيره وتعامله وبالدرجات ماقصر متاكد انه دفني ، مشكلته بس بالكويز حقه صعيب شوي

ما راح اطول عليك، ما يحرم، تصحيحه عادي، ميزته شاتنا بالفاينل ومدري صراحة اذا بيستمر كذا او لا السنة الجاية

دكتور محترم واخلاق والغياب مايحرم واخر الترم يدف المجتهد الشرح عادي مثله مثل باقي الدكاتره

يجبرك تحترمه 💚

بختصر كلامي كله بأن هذا الدكتور رجل وانسان بكل ماتعنيه الكلمه ويحب الطلاب ويمازحهم وايضاً ما اتذكر في يوم أخذ المحاضرة كاملة محاضرته خفيفة جداً ولا تحس فيها ، الله يسعده دنيا وأخره ماقصر معاي في ولا شي

الدكتور عسل و وسيع صدر يعني ما تدخل المحاضرة وانت شايل همه, ومن ناحية دف يدفك لو ناقص درجة او درجتين عالقريد

مرن و متعاون

ممتاز عامة من جميع النواحي ولكن ما يدف واجد إلا المجتهد عنده

الاخلاق والتعامل مافيه افضل منه مستحيل يعصب ماشاءالله تبارك الله