دكتورة راقية وخلوووقه تعاملها لبق ومحترمه وشرحها مميز تبارك الله عندها مهارة توصيل المعلومة وجذب الطالب بشكل مختلف عن الغير واختباراتها تعتبر من الاسهل ونظامية لكن النظام اللي له مصلحة للطالب ويرفع من مستواه وقلبها طاهر مستحيل تظلم وتخاف ربها وتدف لكن بالعدل❤️ومتفهمه للظروف صحيح شديدة بالتقارير لكن مااشوف هذا الشي يعيبه وابسط حقوقها ويشهد الله ان هي الوحيدة اللي تلزم على الاهتمام وتقول ايش تبغى بالضبط وبكذا الواحد ماينقص حقيقة اللي جربها بيلاحظ انها متميزة عن الغير الله يسخرلها ويرفع من شأنها

من اجمل والروع الدكتورات في جامعة القصيم، راقيه مميزه عن الكل في الشرح والخلق والتعامل ، شديدة النظام لكن رحوم وماترضى تظلم احد احب شخصيتها واحب اسلوبها وكل مافيها جميل ومميز ورائع ، لها حضور طاغي وملفت تعطي الشرح من قلب وتوصل المعلومة بسلاسة كلماتها راسخه في قلوبنا حتى الآن 💖

شرح واضح ومبسط، الله يجزاه خير.

من افضل الدكتورات بالجامعة كله!!!! تعامل خيال وشرح رائع جداً. اخذ معه مره ثانيه بلا تردد.

تمكنها من الماده العلمية يفوق المتوقع, لايوجد لها مثيل شاء من شاء وأبى من أبى وضوء الشمس لايحجب بغربال … لايحجب بغربال💖👏🏻

دكتورة ثمينه لا يفرط بها واعية فكريًا واخلاقيًا لها اسلوب مميز
رائعة رائعة في الشرح بمجرد التزامك وتركيزك بالمحاضرة ماتتعب اثناء الدراسة
نظامية نوعًا ما ، لا تقبل التأخير ولا تفضل الانشغال بالاجهزة ولكن شرحها يستحق التركيز معها ، تجذب الطالب في التركيز وتوضيح المعلومة وتطرح امثلة وتأتي اسئلة عليها في الاختبار ، تشد على الطلاب في البداية الى ما يتعلق الطلاب بها ويحزنون على النهايات ، دكتورة أمل طموحة ولديها شغف وتعكس ذلك على الطلاب ، ولا يمكن أن يزعل منها الطالب ، عادلة وتقف مع الحق دائمًا وتترك بصمتها المميزة تجعلك انسان واعي وتغوص بالفكر والطموح العالي فعلًا هي صانعة الاجيال