الإخوة الكرام من دكاترة وطلاب .. حياكم الله في موقعكم .. يحاول فريق العمل أن يرضي جميع الأطراف .. نرضي الطالب والدكتور والزائر .. بدون مانميل مع أحد ضد الآخر .. الهدف هو تقييم تجربة الطالب مع الأستاذ وليس تقييم الأستاذ .. يعني لو طالب كتب عن أستاذ إنه غير متعاون .. فهذي تجربته الخاصة ولاتعني بالضرورة أن الأستاذ غير متعاون مع الجميع .. وكذلك لو كتب إنه صعب تجيب الفل مارك فالصعوبة نسبية هنا وتتعلق بهذا الطالب أو من هو في مستواه ولا تعني إنه مستحيل يجيبها طالب آخر .. أدري إن هذا الكلام بديهي ومفهوم لكن لازم أقوله لأن بعض الدكاترة يرسل لنا يشتكي من التقييمات غير العادلة في الموقع والإدّعاءات .. وتكون الشكوى ضد تجربة الطالب ولا فيها إساءة شخصية له!
عمومًا .. حصلت تغييرات هذا الأسبوع وهي كالتالي:
نتحرى في الموقع التعامل بشكل قانوني وواضح وكل البيانات المذكورة فيه هي بيانات عامة موجودة في مواقع الجامعات مثل اسم عضو هيئة التدريس وجامعته وقسمه .. ولا يتطلّب إذن منه لاستعمالها لأنها معلومة عامة .. والتقييم هو تجربة الطالب كما أسلفنا وليس تقييمًا له شخصيًّا .. ولا يُبنى عليه أي شي وظيفي .. هي تجربة ينقلها طالب لزميله الطالب.
هذي اللي عندنا هذي الفترة وأي تحديثات قادمة بنزودكم فيها .. واللي عنده اقتراحات يكتب في الأسفل وستكون محل نظر إن شاء الله 🙂
والله يحفظكم ويرعاكم
بالنسبة لتمكين الدكتور من إدارة صفحته الهدف هو تحديد مستوى النقد المقبول له .. بعضهم يتقبل النقد بدون حدود وبعضهم ينزعج من النقد ويتعامل معه على إنه إساءة.. فهو يقدر يحذف التعليق لكن مايقدر يحذف التقييم.